• सोमबार ११-६-२०७५/ Monday 18-02-19
  • 02:52:54

आईसीसी ले नेपाली क्रिकेट खेलाडीको दुई वर्षको तलब निकासा

 

अन्तर्राष्ट्रिय क्रिकेट काउन्सिल (आईसीसी)ले नेपाली क्रिकेट खेलाडीको दुई वर्षको तलब निकासा गरेको छ। आईसीसीले क्रिकेट खेलाडीको तलब राष्ट्रिय खेलकुद परिषद् (राखेप)को खातामा पठाएको हो। नेपाली क्रिकेटको नेतृत्वदायी निकाय नेपाल क्रिकेट संघ (क्यान) दुई वर्षभन्दा लामो समयदेखि आईसीसीको निलम्बनमा छ।आईसीसीले आन्तरिक विवाद बढेको कारण देखाउँदै २०७३ साल वैशाख १२ देखि क्यानलाई आफ्नो सदस्यताबाट निलम्बन गर्ने निर्णय लिएको थियो। क्यानलाई निलम्बन गरे पनि आईसीसीले नेपाली खेलाडीलाई अन्तर्राष्ट्रिय प्रतियोगिता खेल्न भने रोक लगाएको छैन। क्यान निलम्बनमा परेपछि नेपाली क्रिकेट खेलाडीले पनि मासिक पारि श्रमिक पाउन सकेका थिएनन्।आईसीसीले शनिबार नेपाली क्रिकेट खेलाडीको दुई वर्षको तलब राखेपको खातामा उपलब्ध गराएको जानकारी सहितको पत्र हामीलाई पठाएको छ’, राखेपका प्रेस सल्लाहकार रोहित दाहालले अन्नपूर्ण पोस्ट्सँग भने। राखेप सदस्यसचिव केशवकुमार विष्टले पटकपटक पत्राचार गरेपछि आईसीसीले खेलाडीको तलब निकासा गरेको जानकारी दाहालले दिए। तलब निकासाका लागि खेलाडी र प्रमुख प्रशिक्षक जगत टमटाले पनि पहल गरेका थिए।लामो समयदेखि क्यान आईसीसीको निलम्बनमा परेको छ। क्यान निलम्बनमा परेका कारण खेलाडीले पनि तलब पाउन सकेका थिएनन्। त्यसैले सदस्यसचिवज्यूले खेलाडीको पारि श्रमिक उपलब्ध गराउन आईसीसीसँग पटकपटक पत्राचार गर्नुभएको थियो। यसका लागि खेलाडीले पनि पहल गरेका थिए। सोहीअनुरूप आईसीसीले राखेपको खातामा खेलाडीको दुई वर्षको तलब उपलब्ध गराएको जानकारीसहित हामीलाई पत्र पठाएको हो’, प्रेस सल्लाहकार दाहालले भने।

हाल नेपालले आईसीसीबाट एकदिवसीय टोलीको मान्यता प्राप्त गरेको र अन्तर्राष्ट्रिय प्रतियोगितामा महत्वपूर्ण उपलब्धिहरूसमेत हासिल गर्दै गएकाले खेलाडीको पारि श्रमिक बढाउने विषयमा राखेपले आवश्यक पहल थाल्ने तयारी भइरहेको जानकारी पनि दाहालले दिए। आईसीसीले खेलाडीको दुई वर्षको पारि श्रमिकबापत राखेपको खातामा एक करोड २७ लाख ८७ हजार सात सय ८२ रुपैयाँ पठाएको छ।आईसीसीले तलब दिने खेलाडीलाई ‘ए’, ‘बी’ र ‘सी’ गरी तीन श्रेणीमा वर्गीकरण गरेको छ। ‘ए’ श्रेणीमा पर्ने खेलाडीले मासिक ३५ हजार रुपैयाँ, ‘बी’ श्रेणीमा पर्ने खेलाडीले मासिक २५ हजार रुपैयाँ र ‘सी’ श्रेणीमा पर्ने खेलाडीले मासिक १५ हजार रुपैयाँ तलब पाउने छन्।वर्गीकरणअनुसार ‘ए’ श्रेणीमा पारस खड्का, ज्ञानेन्द्र मल्ल, शरद भेषावकर, वसन्त रेग्मी, सन्दीप लामिछाने, सोमपाल कामी र दीपेन्द्रसिंह ऐरी छन्। ‘बी’ श्रेणीमा शक्ति गौचन, रोहितकुमार पौडेल, ललितनारायण राजवंशी, आरिफ सेख, करण केसी, ललित भण्डारी र अनिलकुमार शाह छन्।

यसैगरी ‘सी’ श्रेणीमा सुशन भारी, किशोर महतो, सुवास खकुरेल, सागर पुन, दिलीप नाथ, सुनिल धमला र विनोद भण्डारी छन्। क्यानले सन् २०१५ देखि खेलाडीलाई तीन श्रेणीमा विभाजन गरी मासिक तलब दिन सुरु गरेको हो। पछिल्लोपटक क्रिकेट खेलाडीले सन् २०१७ को जुलाईमा तलब पाएका थिए।‘ए’ श्रेणीमा परेका प्रत्येक खेलाडीले दुई वर्षको एकमुष्ठ आठ लाख ४० हजार रुपैयाँ पारि श्रमिक पाउनेछन्। ‘बी’ श्रेणीमा परेका खेलाडीले दुई वर्षको एकमुष्ठ ६ लाख रुपैयाँ पाउनेछन्। यसैगरी ‘सी’ श्रेणीमा पर्ने प्रत्येक खेलाडी दुई वर्षको एकमुष्ठ तीन लाख ६० हजार रुपैयाँ हात पार्नेछन्।क्यान निलम्बनमा परेपछि नेपाली क्रिकेटको व्यवस्थापन सीधै आईसीसीले नै हेर्दै आएको छ। क्यान निलम्बनमा परेको दुई वर्ष नौ महिना पुगिसके पनि नेपाली खेलाडीले भने विभिन्न ठूला अन्तर्राष्ट्रिय प्रतियोगितामा सहभागिता जनाई उत्कृष्ट प्रदर्शन गर्दै आएका छन्।अघिल्लो साता मात्र नेपाली क्रिकेट टोलीले संयुक्त अरब इमिरेट्स (यूएई) लाई उसैको मैदानमा २–१ ले हराउँदै एकदिवसीय अन्तर्राष्ट्रिय शृंखला जितेको थियो। आईसीसीबाट एकदिवसीय मान्यता पाएयता नेपालले जितेको यो पहिलो एकदिवसीय शृंखला थियो। त्यसपछि यूएईलाई नै हराउँदै नेपालले तीन खेलको टीट्वेन्टी शृंखला पनि २–१ ले नै जितेको थियो। 

प्रतिकृया दिनुहोस

धनगढी स्टार्सलाई ३९ रनले पराजित गर्दै रुपन्देही च्यालेन्जर्स

  धनगढी स्टार्सलाई ३९ रनले पराजित गर्दै रुपन्देही च्यालेन्जर्स धनगढी प्रिमियर लिग क्रिकेटको प्ले अफमा पुगेको छ। १५ ओभरको खेलमा १०७ रनको लक्ष्य

बार्सिलोनाको कठिन जित

   स्पेनिस ला लिगा फुटबलमा शीर्ष स्थानको बार्सिलोनाले रियल भालाडोलिडमाथि १–० को कठिन जित हात पारेको छ। जितसँगै बार्सिलोनाले दोस्रो स्थानमा

बार्सिलोनाले रियाल भालाडोलिडलाई पराजित

  स्पेनिस ला  लिगामा बार्सिलोनाले रियाल भालाडोलिडलाई पराजित गरेको छ।  घरेलु मैदानमा शनिबार राति भएको खेलमा बार्सिलोनाले भालाडोलिडमाथि १–० को