• शनिबार १०-५-२०७५/ Saturday 19-01-19
  • 05:50:41

फोहर व्यवस्थापनको दीर्घकालीन समाधानमा जोड

काठमाडौँ, असोज २८ गते । काठमाडौँ महानगरपालिकाको फोहर व्यवस्थापनमा महानगरको एक्लो प्रयासमात्र पर्याप्त नहुने र त्यसमा सरकारको पनि सहयोग जरुरी रहेको बताइएको छ ।

काठमाडौँ महानगरपालिकाका उपप्रमुख हरिप्रभा खड्गीले फोहर व्यवस्थापनका लागि महानगरपालिकाले सम्पूर्णरूपमा प्रयास गरिरहे पनि त्यो पर्याप्त हुन नसकेको भन्दै सरकारले दिगो रूपमा फोहर व्यवस्थापन गर्न राष्ट्रिय नीति र योजना तयार गर्नु जरुरी रहेको बताउनुभयो ।

महानगरपालिकाले सडकमा आएका फोहर उठाउने बाहेक अन्य कार्य नगर्ने भएकोले यसको दिगो व्यवस्थापनमा सरकारले नै निर्णय गर्नुपर्छ,’ खड्गीको भनाइ छ ।

महानगरपालिकाले सहरको फोहर व्यवस्थापन गर्दै आएको बताउँदै उहाँले फोहर उठाउने मात्र नभएर यसको दीर्घकालीन समाधानतर्फ सरकार गम्भीर हुनुपर्छ भन्नुभयो ।

महानगरपालिकाले सडकको फोहर उठाउने भनिए पनि अझै पनि कतिपय स्थानका फोहर नियमितरूपमा उठ्न नसकेको स्थानीयको गुनासो छ ।

सिनामङ्गलदेखि पश्चिम सिधा सडकमार्ग पुतली सडक भई बागबजारसम्म नियमितरूपमा फोहर उठ्न सकेको छैन । स्थानीयको भनाइमा मूल सडकम नियमित फोहर नउठ्ने र कपियय सडकसँग जोडिएका गल्लीमा कुचीकारको उपस्थितिसम्म रहेको छैन । डिल्लीबजारको बसन्तेश्वर गल्ली , घले गल्ली, रघु गल्ली, चिउरी गल्ली र डिल्लीबजार मूल सडक मार्गमा फोहर उठिरहेको छैन ।

खड्गीका अनुसार महानगरपालिकाले फोहर हटाउन सहयोग गरिरहेको छ तर स्थानीयल सहयोग गरिरहेका छैनन् । फोहरको दीर्घकालीन व्यवस्थापन गर्ने कार्र्यमा स्थानीयको सहयोग र सरकारको दीर्घकालीन नीति र योजनालेमात्र शहर सफा राख्न सहयोग पुग्ने उपप्रमुखको भनाइ छ ।

डिल्लीबजार पद्मकन्या स्कुल अगाडि रातमा कौसीबाटै फोहर सडकमा फ्याँकेर सडक फोहर गर्छन् यो फोहर उठिरहेको छैन स्थानीय बताउँछन् । उपप्रमुख खड्गीले यो क्षेत्रमा सीसीटीभी राखेर कारबाही गर्ने योजना बनाइएको बताउनुहुन्छ । स्थानीय युवालाई जरिवाना सङ्कलन गर्ने कार्यमा परिचालन गर्ने कार्ययोजना बनाएको महानगरपालिकाको रहेको उहाँ बताउनुहुन्छ ।

प्रतिकृया दिनुहोस

प्रहरी पुग्दा गाउँबासी डराएर लुके

बाजुरा, पुस २८ गते । गौमुल गाउँपालिका–१ अन्द्राडीमा पहिलो पटक प्रहरी पुग्दा गाउँबासी डराएर लुके ।  केही महिना अघि आएर बसेको इलाका प्रहरी

माघे संक्रान्तिमा तिलको लड्डु र खिचडी खानुको वैज्ञानिक कारण

मकर संक्रान्तिको नामले समेत प्रचलित माघे संक्रान्तिका दिन घरघरमा खिचडीका साथमा तिल तथा गुडबाट बनेका परिकार सेवन गरिन्छ । यी खानपानसँग माघे

डर्बीद्वारा ७ दिने निशुल्क रेडियो उदघोषण तालिमको आयोजना

  डर्बीद्वारा ७ दिने निशुल्क रेडियो उदघोषण तालिमको  आयोजना एक दशक भन्दा बढी समयदेखि संचार सम्बन्धि विभिन्न प्रशिक्षणहरु दिंदै आएको चर्चित